2 oktyabr 2018-cı il tarixində ADA Universiteti və Türkiyə Cumhuriyyətinin Azərbaycan Respublikasındakı Səfirliyinin dəvətilə, Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov "Türkiyənin Mədəniyyət Diplomatiyasında Yunis Əmrə İnstitutu və TİKA-nın (Türkiyə İş adamları Koordinasiya Ajansı) rolu" adlı dəyirmi masada iştirak edib.

27 sentyabr 2018-cı il tarixində Argentinanın ölkəmizdəki fövqəladə və səlahiyyətli Səfiri cənab Carlos Dante Riva və xanımı Marta Rosa Rivanın dəvətilə, Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov Səfir Rivanın səlahiyyət müddətinin başa çatması ilə əlaqədar təşkil edilmiş ziyafətdə iştirak edib.

25 sentyabr 2018-cı il tarixində Çin Xalq Respublikasının Azərbaycan Respublikasında fövqəladə və səlahiyyətli Səfiri cənab Vey Çinhua və xanımının dəvətilə Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov bu ölkənin müstəqilliyinin elan olunmasının 69-cu ildönümü ilə əlaqədar təşkil edilmiş rəsmi qəbulda iştirak edib.

17 sentyabr 2018-cı il tarixində Bakının azad edilməsinin 100 illiyi Naxçıvanın paytaxtdakı daimi nümayəndəliyində qeyd olunmuşdur.

14 sentyabr 2018-cı il tarixində Kuveyt Dövlətinin Azərbaycanda fövqəladə və səlahiyyətli Səfiri cənab Səud Əbdüləziz Əl-Rumi Bakı şəhərində Naxçıvan Muxtar Respublikasının daimi nümayəndəliyinə gəlib.Daimi nümayəndəliyin rəhbəri cənab Bəxtiyar Əsgərov Səfirlə görüşüb. Görüşdə iki ölkə arasında siyasi və iqtisadi əlaqələr, rəsmi səfərlər, qarşılıqlı maraqlar, xüsusilə, bundan sonra coğrafi yaxınlığı ilə Azərbaycana digər ərəb ölkələrindən daha yaxın olan Kuveyt ilə muxtar respublika arasında ticarət əlaqələrinin yaradılması ilə bağlı müzakirələr aparılıb. Səfir cənab Əl-Rumini görüşdə müşaviri cənab Feysəl Cəzzə Əl-Müteyri müşayiət edib.

13 sentyabr 2018-cı il tarixində Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov Gürcüstan Respublikasının Azərbaycan Respublikasına yeni təyin olunmuş fövqəladə və səlahiyyətli Səfiri cənab Zurab Pataradze ilə görüşüb. İki ölkə arasında qonşuluq, dostluq və yaxın tərəfdaşlıq əlaqələrinə söykənən münasibətlərdə Naxçıvan Muxtar Respublikası ilə sıx, isti əlaqələrin vacibliyi vurğulanıb, gələcək əməkdaşlığın perspektivləri müzakirə edilib.

11 sentyabr 2018-cı il tarixində Çin Xalq Respublikasının Azərbaycanda fövqəladə və səlahiyyətli Səfiri cənab Vey Çinhua Bakı şəhərində Naxçıvan Muxtar Respublikasının daimi nümayəndəliyinə gəlib. Daimi nümayəndəliyin rəhbəri cənab Bəxtiyar Əsgərov Səfir cənab Vey Çinhua ilə görüşüb. Görüşdə Çin Xalq Respublikası ilə Azərbaycan Respublikası arasında mövcud olan çoxşaxəli və möhkəm əlaqələrin inkişafında muxtar respublikanın xüsusi yeri qeyd olunub, iqtisadi münasibətlərin möhkəmləndirilməsi yolları müzakirə edilib. Qeyd edək ki, bu, Bəxtiyar Əsgərovun Çin Səfiri ilə son bir həftədə sayca 2-ci rəsmi görüşüdür.

6 sentyabr 2018-cı il tarixində Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov Belçika Krallığının Azərbaycanda fövqəladə və səlahiyyətli Səfiri cənab Bert Schoofsla görüşüb. Görüşdə Belçika Krallığı ilə Azərbaycan Respublikası arasında dostluq və sıx iqtisadi tərəfdaşlıqda muxtar respublikanın yeri, imkanları, birgə layihələr müzakirə edilib.

5 sentyabr 2018-cı il tarixində Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov Çin Xalq Respublikasının Azərbaycan Respublikasında fövqəladə və səlahiyyətli Səfiri cənab Vey Çinhua ilə görüşüb.Görüşdə ümummilli lider Heydər Əliyevin siyasi uzaqgörənliklə qurduğu və iki ölkə arasındakı daim yüksələn xətlə inkişaf edən münasibətlərdə muxtar respublikanın tutduğu aparıcı mövqe,xüsusilə,iqtisadi əməkdaşlıq müzakirə edilib.

21 avqust 2018-cı il tarixində Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov muxtar respublika adından Hindistanın keçmiş Baş naziri,görkəmli dövlət xadimi və ictimai-siyasi xadim,eyni zamanda bədii yaradıcılığı ilə milyonların sevimlisi olan cənab ATAL BİXARİ VADJPAİnin vəfatı ilə əlaqədar bu ölkənin Azərbaycan Respublikasındakı Səfirliyində açılmış Xatirə Kitabına başsağlığı yazib.

14 avqust 2018-cı il tarixində Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov Koreya Respublikasının Azərbaycan Respublikasında fövqəladə və səlahiyyətli Səfiri cənab Kim Çang-gyu ilə görüşüb. Görüşdə iki ölkə arasında mövcud əməkdaşlığa muxtar respublikanın verdiyi töhfə, xüsusilə, bundan sonra Koreya Respublikası və Naxçıvan Muxtar Respublikası arasında iqtisadi və mədəni əlaqələrin inkişaf etdirilməsi yolları müzakirə edilib. Səfir Kim Çang-gyunu görüşdə 2-ci Katib cənab Çoi Kvan Yong müşayiət edib.

1 avqust 2018-cı il tarixində Bakı şəhərində Naxçıvan Muxtar Respublikası daimi nümayəndəliyinin rəhbəri cənab Bəxtiyar Əsgərov İordaniya Krallığının Azərbaycan Respublikasında və Gürcüstan Respublikasında fövqəladə və səlahiyyətli Səfiri cənab Nassar İbrahim Mohammad Habashneh ilə görüşüb.